Korrupsiyaga qarshi kurashish bo‘yicha milliy Kengashning 2025-yil 5-martdagi kengaytirilgan yig‘ilishida belgilangan topshiriqlar hamda O‘zbekiston Respublikasi Prezidentining 2025-yil 21-apreldagi PF-71-sonli Farmoni ijrosini ta’minlash maqsadida, Xalq deputatlari Payariq tumani Kengashi doimiy komissiyalari tomonidan 2025-yil 4-avgustda qo‘shma qaror qabul qilingan.

 Mazkur qarorga muvofiq, Kengashning korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi har oyda tuman hududidagi davlat muassasalari, korxona va tashkilotlarda korrupsiyani oldini olish yuzasidan o‘rganishlar o‘tkazib borishi belgilangan.

 Tumanimizda korrupsiyaviy holatlarning oldini olish maqsadida Payariq tuman tibbiyot birlashmasida o‘rganish amalga oshirildi. Unda Xalq deputatlari Samarqand viloyati Kengashi deputati N. Nurmatova, Xalq deputatlari Payariq tumani Kengashi doimiy komissiyasi raisi S. Maxkamov, kotibiyat mudiri J. Axunov hamda hamkor tashkilotlar vakillari ishtirok etishdi.