Hududdagi 17-maktabda “Ochiq budjet” tanlovida yutib olingan loyiha asosida "Aktual loyiha" MChJ va pudratchi tashkilot — "Sardorbek Feruz Trans" MChJ rahbari Shavkat Rajabov boshchiligidagi quruvchi firma tomonidan qurilish va ta’mirlash ishlari yakunlanib, so‘nggi pardozlash ishlari olib borilmoqda.

Maktab jamoasi tomonidan mahalla nuroniylari, imom xatib H. Atakulov, O‘zbekiston MFY raisi S. Botirov hamda nafaqadagi faxriy ustozlar taklif etildi. Tadbir davomida ushbu muqaddas dargohda mehnat qilgan va bugun oramizda yo‘q bo‘lgan ustozlar ruhiga Qur’on tilovati qilinib, yangi o‘quv yili arafasida maktab jamoasi va o‘quvchilarga ezgu tilaklar bildirildi.

Shuningdek, quruvchilarga bajarilgan ishlar uchun minnatdorchilik ifodasi sifatida quruvchi tashkilot rahbarlariga XDP tuman kengashi deputati Axrorjon Ibodullaev hamda maktab rahbari I. Najmiddinov tomonidan tashakkurnomalar bildirilib, esdalik sovg‘alari tantanali ravishda topshirildi.