Xalq deputatlari tuman Kengashi tashabbusi bilan Xalq deputatlari tuman Kengashi deputatlari va faol nuroniylardan tuzilgan Ishchi guruh vakillari mutassadi tashkilotlar mas’ullari bilan hamkorlikda tumandagi Markaziy dehqon bozorida bo‘lib, aholini oziq-ovqat mahsulotlari bilan uzluksiz ta’minlash, narx-navo barqarorligiga erishish, mavsum uchun oziq-ovqat mahsulotlari zaxiralari yaratilganligi holati jamoatchilik nazorati
asosida o‘rganildi. O‘rganishlar davomida tuman Kengashi deputati S.Karimshikov, X.Yoqubova va jamoatchilik vakillari tomonidan mahsulot narxlarini asossiz oshirmaslik, shuningdek, sanitariya-gigiyena qoidalariga amal qilgan holda savdo-sotiq ishlarini amalga oshirish yuzasidan tadbirkorlarga tushuntirishlar berildi. Albatta, jamoatchilik nazorati jamiyat hayotidagi eng dolzarb muammolarni, halqni o‘ylantirayotgan, tashvishga solayotgan kamchiliklarni hal etishda, davlat hokimiyati organlarining samarali faoliyat yuritishini ta’minlashda muhim rol o‘ynaydi.