Bosh prokurorning birinchi o‘rinbosari B.Valiyev rahbarligidagi ishchi guruh tomonidan Davlat rahbarining joriy yilning 5 mart kuni o‘tkazilgan Korrupsiyaga qarshi kurashish Milliy kengash yig‘ilishida berilgan topshiriqlari hamda hududlarda korrupsiyaning oldini olish, unga qarshi kurashish, shu jumladan maishiy korrupsiyaga barham berish bo‘yicha tasdiqlangan “yo‘l xarita”si ijrosi Jizzax viloyatida o‘rganilishi davom etmoqda.
Xususan, sog‘liqni saqlash sohasida korrupsiyaviy omillarni bartaraf etish borasida belgilangan vazifalarning ijrosi Gʻallaorol tumani tibbiyot birlashmasida o‘rganildi.
O‘rganishda, sog‘liqni saqlash sohasida korrupsiyaviy omillarni bartaraf etish borasidagi “yo‘l xarita”da belgilangan vazifalarning ijrosi tuman tibbiyot birlashmasida bemorlarga tibbiy xizmat ko‘rsatish jarayonlarini raqamlashtirilganligi, muassasaga korrupsiyani oldini olishga qaratilgan chaqiriqlar, korrupsiyaga duch kelganda murojaat qilish mumkin bo‘lgan ishonch telefonlari qayd etilgan banner va plakatlar joylashtirilganligi va aholiga ko‘rsatiladigan bepul tibbiy xizmatlar, bepul beriladigan  dori-darmonlar to‘g‘risidagi ma’lumotlarni barcha uchun ko‘rinarli joylarga o‘rnatilganligi ko‘zdan kechirilib, tibbiy xizmat ko‘rsatish jarayonlarini to‘liq raqamlashtirish, tibbiy xizmat sifatini oshirish yuzasidan mas’ullarga topshiriqlar berildi.