Xabibulla Bozorovning navbatdagi sayyor qabuli bo‘lib o‘tdi.

Xalq deputatlari tuman Kengashi raisi Xabibulla Bozorov, sohalar bo‘yicha o‘rinbosarlari hamda tashkilot rahbarlari bilan birgalikda tumandagi Madaniyat uyida sayyor qabul o‘tkazdi. Uzun tuman hokimligi tashabbusi bilan tashkil etilgan sayyor qabulda fuqarolar o‘zlarini qiynayotgan muammolar, turli masalalar bo‘yicha murojaatlari bilan ishtirok etdi.

Qabulda tuman hokimi fuqarolarning turli masalalarga oid 20 dan ortiq murojaatlarini tinglab, ularga o‘z munosabatini bildirdi. Murojaatlarning ayrimlari shu yerning o'zida ijobiy hal etilgan bo'lsa, ijrosi ma’lum muddat talab qilinadigan murojaatlarni ijobiy hal etish bo‘yicha mutasaddilarga yo‘naltirildi va nazoratga olindi.

Tuman hokimining dushanbadan jumagacha har kuni soat 11:00 dan boshlab tumandagi Madaniyat uyida aholi murojaatlarini tinglash hamda ularni hal etish yuzasidan sayyor qabuli o‘tkaziladi!