Joriy yilning 29-iyun
kuni Xalq deputatlari Jomboy tuman Kengashi 11-G‘azira saylov okrugidan saylangan
deputat To‘raev Nodir Nasrullaevich tashabbusi bilan "Sarqipchoq" mahallasida
hashar tashkil qilindi. Dastlab aholini qiynab kelayotgan muammolar joyiga
chiqib o‘rganildi. Jumladan, simyog‘ochlarning holati ko‘zdan kechirildi va tegishli
mutasaddilar bilan bog‘lanilib muammo ijobiy hal qilinadigan bo‘ldi. Shundan so‘ng
deputat tashabbusi bilan sement hamda aspfalt homashyolari keltirilib, aholi
bilan birgalikda shu kunning o‘zida G‘azira mahallasi va Sarqipchoq mahallasini tutashtiruvchi yo‘l ta’mirlandi. Deputatlar tomonidan aholining
turmush tarzini yaxshilash borasidagi ishlar izchil davom etmoqda.