"Adolat" SDP Bekobod shahar kengashi raisi, Xalq deputatlari shahar kengashi deputati G.Sharipova tomonidan partiyaning Saylovoldi dasturidan kelib chiqqan holda tibbiyot xodimlari bilan hamkorlikda Bekobod shahar Maktabgacha va maktab ta’limi bo‘limi tasarrufidagi 9-sonli maktabgacha ta’lim tashkiloti tarbiyalanuvchilari o‘rtasida chuqurlashtirilgan tibbiy ko‘rik tashkil qilindi. Ushbu maktabgacha ta’lim tashkilotida jami 295 nafar bolajonlar bo‘lib, shulardan barchasi to‘liq tibbiy ko‘rikdan o‘tkazildi. Ikkilamchi tekshiruv jarayonida 9 nafar bolajonlarda terapevtik, jarrohlik, stomatologik, lor va ko‘z kasalliklariga oid kasalliklar aniqlanib, mutaxassislar tomonidan davolanishi uchun kerakli tibbiy maslahatlar berildi.