Azatbaev Muxammedali Azatovich, 1-sanlı mektebiniń bilimdan hám pidayı pitkeriwshisi, óz ármanına birinshi bolıp jetti - endi ol Ullı Petr atındaǵı Sankt-Peterburg Politexnika universitetiniń studenti boldı!

Grant tiykarında oqıwǵa qabıl etilgen Muxammedali - Rossiyanıń eń abıraylı ilim dárgaylarınan birine jollamaqta.

Bul universitet texnika, IT, injenerlik hám fizika baǵdarları boyınsha dúnya kóleminde tán alınǵan jetekshi bilimlendiriw dárgayı bolıp esaplanadı.

      Jaslar ushın jaratılǵan imkaniyatlar - bizge qanat boldı! Húrmetli Prezidentimizge shın júrekten minnetdarshılıq bildiremen, - deydi Muxammedali tolqınlanıp.

   Bul tek ǵana onıń emes, al pútkil Moynaq jasları ushın maqtanıshlı máwrit.

Watan keleshegi - búgingi bilimli, pidayı jaslardıń qolında!

Xalıq deputatları Moynaq rayonlıq Keńesi deputatı U.Urınbeva