Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan tuman Suv ta’minoti bo‘limi rahbarining hisoboti oldidan deputat D. Jabborova tomonidan Sanchiqul MFYdagi Abulqosim Firdavsiy ko‘chasida o‘rganish ishlari olib borildi.

O‘rganish davomida ko‘cha boshisi S. Abulxairov hamda ko‘cha nuroniysi Q. Bozorov bilan uchrashilib, hududdagi ichimlik suvi ta’minoti holati yuzasidan suhbatlashildi.

Aniqlanishicha, mazkur ko‘chadagi 170 ta xonadon markazlashgan ichimlik suvi bilan ta’minlanmagan bo‘lib, aholini sifatli ichimlik suvi bilan ta’minlash uchun bitta suv minorasi (bashnya) qurishga ehtiyoj mavjud.

Mazkur muammoni bartaraf etish, aholini ichimlik suvi bilan ta’minlash bo‘yicha amaliy choralar ko‘rilishini ta’minlash maqsadida tegishli mas’ul tashkilotlarga deputatlik so‘rovi chiqarish rejalashtirildi.