Xalq deputatlari Marg‘ilon shahar Kengashi deputati E.Tursunqulov tomonidan deputatlik nazorati doirasida 10-Bobur saylov okrugidagi Bobur mahallasida Xalq deputatlari Marg‘ilon shahar Kengashi qarori ijrosi yuzasidan nazorat-tahlil ishlari olib borildi.

O‘rganish davomida Kengash qarorida belgilangan vazifalarning hududdagi ijrosi, amalga oshirilayotgan ishlarning holati hamda mavjud muammolar atroflicha tahlil qilindi.
Shuningdek, mas'ul tashkilotlar tomonidan bajarilayotgan ishlar ko‘zdan kechirilib, ularning samaradorligi yuzasidan tegishli xulosalar shakllantirildi.

Deputat tomonidan hududdagi mavjud holat o‘rganilib, aniqlangan kamchiliklarni bartaraf etish, belgilangan vazifalarning o‘z vaqtida va sifatli bajarilishini ta'minlash bo‘yicha mas'ullarga tegishli tavsiya va topshiriqlar berildi.

Mazkur nazorat-tahlil ishlari Kengash qarorlarining amaliy ijrosini ta'minlash, hududlarni kompleks rivojlantirish hamda aholi uchun qulay va munosib shart-sharoitlar yaratishga xizmat qiladi.

Xalq deputatlari Marg‘ilon shahar Kengashi deputatlari tomonidan Kengash qarorlari ijrosi ustidan deputatlik nazorati davom ettirilmoqda.