Xalq deputatlari Jondor tumani Kengashi deputatlari H.Karayeva hamda I.Xolovlar tumandagi 1-son texnikumda bo‘lib, ta’lim muassasasi atrofidagi yo‘l harakati xavfsizligi holatini joyiga chiqqan holda o‘rgandilar.
📌O‘rganish davomida davlat ahamiyatiga ega avtomobil yo‘lining texnikumga tutash o‘tish qismida talabalar va piyodalar xavfsizligini ta’minlash masalasi atroflicha muhokama qilindi. Xususan, ushbu hududda transport harakatining serqatnov ekani inobatga olinib, piyodalarning xavfsiz harakatlanishi uchun svetofor o‘rnatish zarurligi ta’kidlandi.
📌Deputatlar mazkur masala yuzasidan mutasaddi tashkilotlar bilan hamkorlikda tegishli choralarni ko‘rish, yo‘l harakati xavfsizligini yanada mustahkamlash hamda ta’lim muassasasiga qatnovchi o‘quvchilar uchun xavfsiz shart-sharoit yaratish bo‘yicha amaliy ishlar olib borilishini qayd etdilar.