Xalq deputatlari tuman Kengashi raisi X.Raximov hamda tuman hokimi M.Axmadjonovlar Yoshlik mahallasida bo‘lib, mahalla fuqarolar yig‘ini binosida olib borilayotgan qurilish ishlari bilan yaqindan tanishdi. Tashrif davomida qurilish jarayonining borishi, amalga oshirilayotgan ishlarning sifati hamda belgilangan loyiha asosida olib borilayotgan bunyodkorlik ishlari ko‘zdan
kechirildi. Shuningdek, obyektni belgilangan muddatlarda foydalanishga topshirish, qurilish-montaj ishlarini sifatli tashkil etish va xavfsizlik talablariga qat’iy rioya etish masalalariga alohida e’tibor qaratildi. Qayd etilganidek, zamonaviy talablarga javob beradigan yangi mahalla binosi aholi uchun qulay sharoitlar yaratish, fuqarolarga ko‘rsatilayotgan xizmatlar sifatini yanada oshirish hamda mahalla tizimi faoliyati samaradorligini ta’minlashga xizmat qiladi. Tashrif yakunida mas’ullarga qurilish ishlarini
belgilangan muddatlarda va yuqori sifat bilan yakunlash yuzasidan tegishli tavsiya hamda ko‘rsatmalar berildi.