Hududdagi muammo joyiga chiqib o‘rganildi

Xalq deputatlari Navoiy shahar Kengashi deputati Tasheva Shahnoza Azamatovna xizmat safarida bo‘lganligi munosabati bilan, tasdiqlangan grafik rejaga muvofiq hududdagi muammolarni o‘rganish ishlari Xalq deputatlari Navoiy shahar Kengashi kotibiyati bosh mutaxassisi M. Astanova tomonidan amalga oshirildi.

O‘rganish jarayonida Navoiy shahri Lochin mahallasidagi Energetik ko‘chasi 6-uy oldi hududida issiqlik ta’minoti korxonasi tomonidan quvur tarmog‘ini almashtirish ishlari olib borilganligi, mazkur ishlar yakunlanganidan so‘ng qazilgan hudud obodonlashtirilmaganligi aniqlandi.

Xususan, piyodalar yo‘lagi beton qoplamasi tiklanmagani hamda yo‘l qoplamasi asfaltlashtirilmagani sababli mazkur hududda fuqarolarning xavfsiz va qulay harakatlanishi uchun noqulayliklar yuzaga kelganligi kuzatildi.

Aniqlangan holat yuzasidan piyodalar yo‘lagini beton qoplama bilan tiklash hamda avtomobil yo‘lining asfalt qoplamasini qayta yotqizish bo‘yicha tegishli mas’ul tashkilotlarga murojaat kiritildi.

Mazkur masala deputatlik nazoratiga olinib, aniqlangan kamchiliklarni bartaraf etish yuzasidan mas’ul tashkilotlar tomonidan belgilangan tartibda zarur chora-tadbirlar amalga oshirilishi nazoratga olindi.