Xalq deputatlari Mirzo Ulug‘bek tumani Kengashi kotibiyati mudiri Shoanvar Shomaxmudov Mirzo Ulug‘bek tumanidagi “Xabib Abdullayev” mahallasida hokim yordamchisi va profilaktika inspektori tomonidan amalga oshirilayotgan ishlar bilan yaqindan tanishdi.

O‘rganish jarayonida deputatga mahallada hokim yordamchisi ishini samarali tashkil etish hamda mahallada huquqbuzarliklar profilaktikasini, ayniqsa, voyaga yetmaganlar va yoshlar o‘rtasida tashkil etish, huquqbuzarliklarning sodir etilishi sabablarini, ularga imkon beruvchi shart-sharoitlarni aniqlash yuzasidan olib borilayotgan ishlar bo‘yicha hisobotlar taqdim etildi. 

Taqdim etilgan chora-tadbirlar muhokama qilinib, mahallada tadbirkorlikni rivojlantirish, aholi bandligini ta’minlash va kambag‘allikni qisqartirish hamda xotin-qizlar va yoshlarning huquqiy madaniyatini oshirishga qaratilgan tadbirlarni samarali tashkil etish yuzasidan olib borilayotgan ishlarga e’tiborni yanada kuchaytirish borasida tavsiyalar berildi.

Shuningdek, fuqarolar tomnidan bildirilgan murojaatlarni hamkorlikda hal etish choralari belgilab olindi.