Xalq deputatlari viloyat Kengashining 35-Qorliq saylov okrugidan saylangan deputat J.Pardayevning yordamchisi T.Abdullayev, Xalq deputatlari tuman Kengashi deputati va kotibiyati mudiri M.Xujanov, O‘ZMTDP tuman Kengashi raisi A.Mamatmuratov, O‘ZLiDEP tuman Kengashi raisi J.Haqberdiyev hamda Kengashi kotibiyatining bosh mutaxassislari ishtirokida deputatlik nazorati tadbiri o‘tkazildi. 

Mazkur o‘rganishlar davomida Oltinsoy tumanidagi “Bo‘ston” mahalla fuqarolar yig‘ini hududida joylashgan ko‘p qavatli uylarning texnik holati, hududning obodonlashtirilishi, infratuzilma va kommunal xizmatlar bilan bog‘liq masalalar o‘rganildi. 

O‘rganish jarayonida aniqlangan muammo va kamchiliklarni bartaraf etish yuzasidan mutasaddi tashkilotlarga tegishli tavsiya hamda takliflar berildi. Shuningdek, aholining murojaatlari tinglanib, ularni hal etish bo‘yicha amaliy choralar belgilab olindi. 

Deputatlik nazorati tadbirlari hududlarda mavjud muammolarni aniqlash, ularni bartaraf etish hamda fuqarolarning turmush sharoitini yanada yaxshilashga xizmat qiladi.

✍️Oltinsoy tumani Kengash Kotibiyati Axborot xizmati