2026-yil 2-aprel kuni Uchquduq tumani hokimligi majlislar zalida xalq deputatlari Uchquduq tuman Kengashining navbatdagi yigirma uchinchi sessiyasi bo‘lib o‘tdi.

Sessiyada tuman Kengashi deputatlari, korxona va tashkilotlar rahbarlari hamda tegishli mutasaddi idoralar vakillari ishtirok etdi.

 Sessiya kun tartibiga kiritilgan muhim masalalar yuzasidan mas’ul rahbarlarning hisobot va axborotlari tinglandi:

 2026-yilning o‘tgan 3 oyi davomida tumanda jinoyatchilik va huquqbuzarliklarning oldini olish, jamoat tartibini saqlash hamda fuqarolar xavfsizligini ta’minlash borasida amalga oshirilgan ishlar;

 “Tashabbusli budjet” doirasida 2026-yil 1-mavsum yakunlariga ko‘ra jamoatchilik tomonidan eng ko‘p ovoz to‘plagan loyihalarni saralash va ularni moliyalashtirish masalalari;

 Tumanda “Yoshlarga oid davlat siyosati to‘g‘risida”gi Qonun ijrosi yuzasidan olib borilgan ishlar hamda kelgusidagi ustuvor vazifalar;

 Davlat kadastrlari palatasi tuman bo‘limi tizimida korrupsiyaning oldini olishga qaratilgan chora-tadbirlar;

 Aholini ichimlik suvi bilan uzluksiz ta’minlash borasida amalga oshirilayotgan ishlar.

Shuningdek, Prezident virtual va Xalq qabulxonalari orqali jismoniy va yuridik shaxslardan kelib tushgan murojaatlar tahlili ham ko‘rib chiqildi.

 Sessiya yakunida ko‘rib chiqilgan masalalar yuzasidan tegishli qarorlar qabul qilinib, mas’ullarga aniq vazifalar belgilab berildi.