“Deputat mahallada” loyihasi doirasida Xalq deputatlari Mirobod tuman Kengashi deputati, O‘zLiDeP faoli Umarova Gulrux Farruhovna tumandagi "Farovon" MFY hamda "At-Termiziy" MFYlarda mahalla yettiligi va mahalla hududida yashovchi fuqarolar bilan uchrashdi. Uchrashuv davomida bir qator masalalar ko‘rib chiqildi. Jumladan, mahallada olib borilayotgan tozalik va obodonlashtirish ishlari, huquqbuzarlik profilaktikasi, jinoyatchilikning oldini olish, aholining ayniqsa, yoshlar va xotin-qizlar bandligini ta’minlash, yoshlarni tadbirkorlikka jalb etish, ularga ko‘maklashish, nuroniy otaxon va onaxonlarni, yolg‘iz yashovchi keksalarni qo‘llab-quvvatlash masalalari ko‘rib chiqildi.   

Deputat Gulrux Umarova har bir masalani alohida tinglab, ularni hal etish yuzasidan tegishli tashkilotlar bilan hamkorlikda zarur choralar ko‘rilishini ta’kidladi. Uchrashuv ochiq muloqot ruhida o‘tdi va aholi tomonidan ilgari surilgan takliflar deputat nazoratiga olindi. Tadbir so‘ngida deputat o‘z tavsiyalarini berib o‘tdi.

Bizni ijtimoiy tarmoqlarda kuzatib boring.

Telegram tarmog‘ida: https://t.me/MirobodKengash 

Facebook tarmog‘ida: https://www.facebook.com/share/p/1CMZpdqxre/