O‘zbekiston Respublikasi Vazirlar Mahkamasining 2019-yil 6-sentyabrdagi 741-son “Aholiga huquqiy axborotni yetkazish va yuridik yordam ko‘rsatish tizimini yanada takomillashtirish chora-tadbirlari to‘g‘risida”gi qaroriga asosan “Madad” – muassasa shaklidagi nodavlat notijorat tashkiloti tashkil etilib, 2019-yil 12-sentyabr kuni O‘zbekiston Respublikasi Adliya vazirligi tomonidan davlat ro‘yxatidan o‘tkazilgan.

Asosiy vazifalari:

• fuqarolarga huquqiy masalalar bo‘yicha shu jumladan, onlayn maslahatlar va tushuntirishlar berish yo‘li bilan birlamchi bepul yuridik yordam ko‘rsatish;

• fuqarolarning huquqiy bilimlarini ijtimoiy-siyosiy o‘zgarishlar bilan uyg‘un ravishda oshirib borish ishlariga ko‘ngillilarni safarbar etish;

• fuqarolar tomonidan huquqiy maslahat berishga oid so‘rovlarni tahlil qilib borish, tahlil natijasiga ko‘ra huquqni qo‘llash amaliyoti va amaldagi qonunchilikni takomillashtirish yuzasidan takliflar ishlab chiqish;

• aholining huquqiy ongi va huquqiy madaniyatini yuksaltirishda innovatsion usullarni, xorijiy davlatlarning bu boradagi ijobiy tajribalarini tatbiq etishdan iborat.

• WWW.Advence.uz huquqiy axborot portaliga kirib “Madad” NNT orqali onlayn murojaat qoldirishingiz yoki joyiga borib uchrashishingiz mumkin. Mahallalarda “Deputat qabuli”, “Sayyor qabul”larda tuman Adliya bo‘limi va “Madad” NNT mas’ullari ishtirokida aholining muammolariga huquqiy javob, tushuncha berish, masalani hal etish yuzasidan maslahat, amaliy yordam olish imkoniyatidan foydalanishingiz mumkin.

• “Madad” NNT O‘zbekiston Respublikasi Adliya vazirligi va Buyuk Britaniyaning O‘zbekistondagi elchixonasi bilan hamkorlikda "Birlamchi bepul huquqiy maslahat" loyihasini amalga oshiradi.

Bizni ijtimoiy tarmoqlarda kuzatib boring.

Telegram tarmog‘ida: https://t.me/MirobodKengash 

Facebook tarmog‘ida: https://www.facebook.com/share/p/1CMZpdqxre/