📍 Shahrisabz tumanida deputat va saylovchilar muloqoti bo‘lib o‘tdi

Bugun O‘zLiDeP partiyasidan saylangan xalq deputatlari Qashqadaryo viloyati Kengashi deputati Shuhrat Tursunov hamda tuman Kengashi raisi Arslon Uzakov, tuman Kengashi deputati Charos Rajabova ishtirokida navbatdagi uchrashuv o‘tkazildi.

Uchrashuvning asosiy voqealari:

✅ Aholi bilan muloqot: "Barkamol avlod" maktabida Xo‘jaxuroson, Shamaton, Oqdaryo va Yangibog‘ mahallalari aholisi bilan ochiq muloqot qilindi. Bildirilgan har bir muammo va taklif deputat nazoratiga olindi.

✅ Ta’limga e’tibor: Xo‘jaxurosondagi 20-sonli maktabda o‘quvchilar uchun yaratilgan zamonaviy shart-sharoitlar ko‘zdan kechirildi.

✅ Tibbiyot va tadbirkorlik: Hududdagi Bahodir Ismoilov nomi bilan ataluvchi xususiy klinika faoliyati o‘rganildi. Deputat shifokorlarning fidoyiligi va bemorlar uchun yaratilgan qulayliklarni yuqori baholadi.

💡 "Islohotlarimizning bosh maqsadi — inson manfaati va xalqimiz roziligi," — deya ta’kidladi Sh.Tursunov.