Xalq deputatlari Ishtixon tumani Kengashi deputati Vasila Soliyeva tomonidan “Humo” mahallasi Chayjovul qishlog‘i hamda “Murodobod” mahallasi Chambil qishlog‘ini bog‘lovchi Humo ko‘chasining holati yuzasidan yuborilgan deputat so‘roviga rasmiy javob xati kelib tushdi.

Mazkur murojaat asosida Ishtixon tuman Obodonlashtirish boshqarmasi tomonidan yo‘l holati joyiga chiqib o‘rganilgan. O‘rganishlar natijasida ushbu ichki yo‘l 2026-yil uchun rejalashtirilgan umumiy ta’mirlash loyihasiga kiritilmagani aniqlangan.

Shu bilan birga, yo‘lning mavjud holatidan kelib chiqib, u 2026-yil davomida amaldagi tartib asosida asfalt bilan yamash va kartali ta’mirlash ishlari rejasiga kiritilishi ma’lum qilindi.

Mazkur masala deputat nazoratida bo‘lib, hudud aholisi uchun qulay harakatlanish sharoitlarini yaratish bo‘yicha ishlar davom ettiriladi.