🌙 Muborak Ramazon oyi davomida aholining kundalik ehtiyoji uchun zarur bo‘lgan oziq-ovqat mahsulotlari narxlarining asossiz oshib ketishining oldini olish dolzarb vazifalardan biridir.

📍Shu maqsadda, Xalq deputatlari Olmaliq shahar Kengashi deputati Bahodir Miralimov hamda bozor ma’muriyati mas’ullari ishtirokida “Oydin dehqon bozori”da jamoatchilik nazorati tadbiri o‘tkazildi.

🔍 Tadbir davomida asosiy e’tibor quyidagilarga qaratildi:

Asosiy turdagi oziq-ovqat mahsulotlari (go‘sht, yog‘, un, shakar, tuxum va sabzavotlar)ning yetarli zaxirasi;

Sotuvchilar tomonidan narxlarning sun’iy ravishda oshirilmasligi;

Tashkil etilgan arzonlashtirilgan savdo rastalari faoliyati.

🤝 Deputat va bozor ma’muriyati sotuvchilar bilan muloqot qilib, bayram kunlarida aholiga qulaylik yaratish, insof va baraka mezonlariga amal qilish bo‘yicha tushuntirishlar berishdi. Bu kabi nazorat tadbirlari oy davomida muntazam o‘tkazib boriladi.