G‘ozg‘on shahrida hududlarni obodonlashtirish, sanitariya holatini yaxshilash hamda aholi uchun qulay va toza muhit yaratish maqsadida qator ishlar amalga oshirilmoqda. 

Shu jumladan, hududda chiqindilarni o‘z vaqtida olib chiqish masalasi deputat tomonidan o‘rganildi.

O‘rganish jarayonida mahallalar va jamoat joylarida maishiy chiqindilarni yig‘ish hamda olib chiqish tizimi, maxsus texnikalar faoliyati va xizmat ko‘rsatish sifati ko‘zdan kechirildi. 

Ayrim joylarda chiqindilarni olib chiqish vaqtida uzilishlar kuzatilayotganligi qayd etilib, mas’ul tashkilotlarga bu borada ishlarni yanada kuchaytirish bo‘yicha tavsiyalar berildi.

Shuningdek, hududlarda tozalikni ta’minlash, chiqindilarni belgilangan joylarga tashlash hamda atrof-muhitni asrash borasida aholining ham mas’uliyatini oshirish muhimligi ta’kidlandi.