#sessiya

❗️ Nurafshon shahrida muhim siyosiy voqea bo‘lib o‘tdi!

2026-yil 17-fevral kuni xalq deputatlari Nurafshon shahri Kengashining navbatdagi 17-sessiyasi bo‘lib o‘tdi.

Sessiya kun tartibidagi asosiy masala — Nurafshon shahri hokimi Ilxom Maxmudjonovich Klichxanovning 2025-yilda iqtisodiy-ijtimoiy rivojlantirish borasida amalga oshirilgan ishlar hamda 2026-yildagi ustuvor vazifalar to‘g‘risidagi Murojaati bo‘ldi.

Mazkur sessiyada, N. Normirzayeva — Toshkent viloyati hokimining oila va xotin-qizlar masalalari bo‘yicha o‘rinbosari ishtirok etdi. Shuningdek, shahardagi barcha korxona va tashkilotlar rahbarlari, deputatlar, nuroniylar, mahalla yettiligi a’zolari, maktab direktorlari, hokimlik xodimlari hamda jamoatchilik vakillari qatnashdilar.

Bu esa belgilangan vazifalar keng jamoatchilik va viloyat rahbariyati ishtirokida muhokama qilinganini anglatadi.

Hisobotda 2025-yil davomida:

— amalga oshirilgan bunyodkorlik va infratuzilma loyihalari;

— yangi ish o‘rinlari yaratish va tadbirkorlikni qo‘llab-quvvatlash choralari;

— ta’lim, sog‘liqni saqlash va ijtimoiy sohadagi islohotlar;

— aholi farovonligini oshirishga qaratilgan dasturlar atroflicha bayon etildi.

Murojaatnomada belgilab berilgan vazifalardan kelib chiqib, shahrimizda 2026-yil uchun ustuvor yo‘nalishlar aniq belgilab olindi.

Shuningdek, 2026-yil uchun:

— investitsiyalarni jalb etish;

— yangi ishlab chiqarish quvvatlarini ishga tushirish;

— yoshlar bandligini ta’minlash;

— shahar infratuzilmasini yanada modernizatsiya qilish;

— turmush sifatini oshirish bo‘yicha aniq vazifalar belgilab berildi.

Sessiya ochiq muloqot, tahlil va kelajak rejalari maydoniga aylandi. Belgilangan maqsadlar — Nurafshonning yangi taraqqiyot bosqichiga qat’iy qadamdir.

Nurafshon — taraqqiyot sari!

Birgalikda harakat qilsak, albatta yuksak natijalarga erishamiz!