O‘zbekiston Respublikasining "Xalq deputatlari viloyat, tuman va shahar Kengashi deputatining maqomi to‘g‘risida"gi Qonunining 7-moddasiga asosan bugun Oqoltin tumani "Ko‘rkam diyor" MFY hududida joylashgan 2-sonli umumta’lim maktabi faollar zalida Xalq deputatlari viloyat Kengashi deputati N.Soatov va tuman Kengashi deputati I.Qo‘chqorovalar saylovchilar bilan uchrashib, joriy yilning birinchi choragida amalga oshirgan ishlari yuzasidan hisobot berdilar. Hisobot berish jarayonida saylovchilardan mavjud muammolar yuzasidan 10 dan ortiq takliflar berildi. Deputatlar tomonidan muammolarni bartaraf qilish bo‘yicha chora-tadbirlar belgilandi.