Davlat ijtimoiy yordamlarining manzilli ta’minlanishi – adolatli jamiyat garovi

Bugungi kunda yurtimizda aholi farovonligini oshirish, ijtimoiy himoyaga muhtoj oilalarni qo‘llab-quvvatlash va ularning hayot darajasini yaxshilashga qaratilgan keng ko‘lamli islohotlar amalga oshirilmoqda. Ayniqsa, davlat tomonidan ko‘rsatiladigan ijtimoiy yordam va xizmatlarning manzilli ta’minlanishi bugungi kunning ustuvor vazifalaridan biri hisoblanadi.

Shu maqsadda, Qo‘shko‘pir tuman kengashi deputati N. Boymuratova Uyg‘ur mahalla fuqarolar yig‘inida bo‘lib, ijtimoiy himoya sohasida amalga oshirilayotgan ishlar bilan yaqindan tanishdi. Uchrashuv davomida mahallada istiqomat qiluvchi aholi, xususan, kam ta’minlangan, nogironligi bor shaxslar va keksa avlod vakillarining murojaatlari o‘rganilib, ularga ko‘rsatilayotgan ijtimoiy yordamning manzilliligi yuzasidan fikr-mulohazalar bildirildi.