Xalq deputatlari Urganch shahar Kengash deputati Jumaniyozova Muborak Toxirovna talaba yoshlar bilan uchrashib, davlatimiz rahbari 14 fevral kuni yoshlar bilan muloqot qilganligini, videoselektor shaklida o‘tgan uchrashuvda yoshlar uchun imkoniyatlarni
yanada kengaytirish chora-tadbirlari muhokama etilganligini ta’kidladi. 

Yig‘ilishda Prezidentimiz yoshlar tadbirkorligida mutlaqo yangi davrni boshlab beradigan 3 ta katta hujjatga imzo chekkanini qayd etib o‘tdilar. Jumladan, Yoshlar tadbirkorligini rivojlantirish jamg‘armasi tashkil etilib, unga 100 million dollar mablag‘ ajratilganligi yoshlarga berilayotgan yana bir katta imkoniyatlardan biridir.  

Davlatimiz rahbarining bildirgan taklif-tashabbuslari partiyamizning yoshlar uchun manfaatli ish o‘rinlarini yaratish, yoshlar tadbirkorligini moliyalashtirishga ko‘maklashish hamda yoshlarning startap loyihalarini qo‘llab-quvvatlash kabi vazifalari ijrosi uchun ham muhim. Shu bois partiyamiz Prezidentimiz tomonidan belgilangan vazifalarni hayotga tatbiq etishga bor kuch-g‘ayratini safarbar etadi, - dedi Muborak Toxirovna