Xalq deputatlari Angren shahar Kengashining oltinchi sessiyasi bo‘ldi.
Sessiya ishini Xalq deputatlari shahar Kengashi raisi Alisher Rayimov olib bordi.  

Sessiya kun tartibida O‘zbekiston Respublikasi Prezidentining 2024-yil 20-dekabrdagi “Hududlarda yuqori iqtisodiy o‘sish va aholi bandligini ta’minlashning yangi tizimini yo‘lga qo‘yish hamda bu borada mahalliy hokimliklarning roli va mas’uliyatini oshirish chora-tadbirlari to‘g‘risida”gi PF-223-sonli Farmon ijrosi, Xalq deputatlari Angren shahar Kengashi tomonidan deputatlarni daxlsizlik huquqidan mahrum qilishga oid masalani ko‘rib chiqish tartibini tasdiqlash, O‘zbekiston Respublikasi Oliy Majlisi Senati Kengashining 2024-yil 20 fevraldagi KQ-687-IV-sonli Qarori ijrosini ta’minlash maqsadida Xalq deputatlari Angren shahar Kengashi tomonidan shahar huquqni muhofaza qiluvchi organlar rahbarlari hisobotlarini eshitishning tartibini tasdiqlash
hamda Xalq deputatlari Angren shahar Kengashi deputatlari faoliyati samaradorligini oshirish, 2025 yilda aholi bandligini ta’minlash va kambag‘allikdan chiqarish bo‘yicha maqsadli ko‘rsatkichlarni ko‘rib chiqish masalalari deputatlar tomonidan atroflicha muhokama qilindi. Barcha masalalar chuqur o‘rganildi, deputatlar fikr-mulohazalardan so‘ng tegishli qarorlarni qabul qildilar.