Халқ депутатлари Наманган шаҳар Кенгашининг тўртинчи сессияси бўлиб ўтди

Кенгаш раиси Анваржон Отаходжаев олиб борган сессия ишида халқ депутатлари Наманган шаҳар Кенгаши депутатлари, шаҳар ҳокимининг соҳалар бўйича ўринбосарлари, секторлар, корхона, ташкилот ва муассасалар раҳбарлари иштирок этишди. 

Сессия ишида: “Ўзбекистон жамоат биноларида энергия самарадорлик – Таъмирлаш кредит дастури” лойиҳаси концепциясини тасдиқлаш, Ўзбекистон Республикаси Президентининг Наманган шаҳридаги Халқ қабулхонасига 2024-йил давомида фуқаролардан келиб тушган мурожаатларни ўрганиш бўйича амалга оширилган ишлар, Наманган шаҳар прокуратураси ҳамда ИИБнинг, шаҳарда қонун устуворлигини таъминлаш ва қонунийликни мустаҳкамлаш ҳамда жиноятчиликни олдини олиш борасида 2024-йилда амалга оширган фаолияти, 2025-йилда Наманган шаҳарни ижтимоий - иқтисодий ривожлантириш дастури каби 12 та масалалар муҳокама этилди.

Сессияда ҳудудларни ривожлантириш, одамларнинг бугунидан рози бўлиб яшашларига эришиш учун амалга оширилиши лозим бўлган долзарб вазифалар белгилаб берилди.

Сессия ишида Халқ депутатлари Наманган шаҳар Кенгашининг тегишли қарорлари қабул қилинди.