Xalq deputatlari Forish tuman Kengashi deputatlari — MTDP a’zosi Z.G‘oziyeva, O‘zXDP a’zosi S.Qo‘narova hamda 16-“Mehnatobod” saylov okrugidan O‘zXDP a’zosi K.Sharipovlar tomonidan tuman elektr ta’minoti korxonasida o‘rganish o‘tkazildi.
🤝 Deputatlar o‘rganish jarayonida korxona bosh muhandisi M.Savronov bilan uchrashib, iste’molchilarga uzluksiz elektr energiyasi yetkazib berish, tarmoq va transformatorlarni ta’mirlash hamda modernizatsiya qilish ishlarini muhokama qildilar. Shuningdek, aholi murojaatlari bilan ishlash tizimi tahlil qilindi.
🎯 Yakunda xizmat ko‘rsatish sifatini yanada oshirish va energetika tizimi barqarorligini ta’minlash yuzasidan mas’ullarga tegishli tavsiyalar berildi.