2026-yil 11-iyun kuni Xalq deputatlari Ishtixon tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi navbatdagi yig‘ilishida tuman hokimligi majlislar zalining moddiy-texnik bazasini mustahkamlash bilan bog‘liq masala muhokama qilindi.

Yig‘ilishda O‘zbekiston Respublikasi Budjet kodeksining 126-moddasiga muvofiq, Ishtixon tumani hokimligi majlislar zalida videokonferensiya yig‘ilishlarini sifatli va uzluksiz tashkil etish maqsadida zamonaviy kompyuter qurilmasini xarid qilish uchun mablag‘ ajratish yuzasidan taqdim etilgan hisob-kitoblar ko‘rib chiqildi.

Muhokamalar davomida respublika va viloyat darajasida o‘tkaziladigan videoselektor yig‘ilishlari, onlayn muloqotlar hamda masofaviy xizmat uchrashuvlarini yuqori sifatda tashkil etish maqsadida tuman hokimligiga tuman mahalliy budjetining 2026-yil 1-yanvar holatiga shakllangan erkin qoldiq mablag‘lari hisobidan 23 million so‘m mablag‘ ajratish taklifi atroflicha muhokama qilindi.

Doimiy komissiya a’zolari tomonidan zamonaviy axborot-kommunikatsiya texnologiyalaridan samarali foydalanish, yig‘ilishlarni sifatli tashkil etish hamda boshqaruv jarayonlarining samaradorligini oshirish muhim ahamiyat kasb etishi ta’kidlandi.

📍 Yakunda ushbu mablag‘larni ajratish to‘g‘risidagi masalani Xalq deputatlari Ishtixon tumani Kengashining navbatdagi sessiyasi muhokamasiga kiritish maqsadga muvofiq deb topildi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram