Qo‘shma o‘rganishlar doirasida Xalq deputatlari Olmazor tumani Kengashi deputatlari: 8-Tabassum saylov okrugi deputati S. Ismailov va 21-Namuna saylov okrugi deputati D. Rahmatullayev (kotibiyat mudiri) 234-sonli umumta’lim maktabiga tashrif buyurdilar.

Tashrif davomida maktabda infratuzilmani yaxshilash bo‘yicha olib borilayotgan ishlar, shuningdek bahor-yoz mavsumiga tayyorgarlik jarayonlari bilan yaqindan tanishildi.

Uchrashuvda maktabning “Open budjet”dagi ishtiroki masalasiga alohida e’tibor qaratilib, kelgusida maktab sharoitlarini yanada yaxshilash, ta’lim muhitini mustahkamlash bo‘yicha zarur takliflar muhokama qilindi.

Ta’kidlab o‘tildiki, 234-sonli maktab so‘nggi yillarda ta’lim sifati ko‘rsatkichlari bo‘yicha Toshkent shahrida yetakchi natijalarni qayd etib kelmoqda.

Hududdagi ta’lim muassasalarini qo‘llab-quvvatlash va ularning rivojlanishiga ko‘maklashish ishlari izchil davom ettiriladi.