Xalq deputatlari Surxondaryo viloyat Kengashi deputati A.Oripov hamda Oltinsoy tuman Kengashi deputati X.Xujaqulovlar o‘z saylov okrugida joylashgan “Ekraz” va “Olmazor” mahallalarida aholi bilan muloqot qildi.

Uchrashuvlar davomida 24-sonli umumta’lim maktabi, 10-sonli maktabgacha ta’lim tashkiloti hamda mahalla yettiligi a’zolari bilan suhbat o‘tkazildi. Mazkur muloqotlarda ta’lim muassasalari faoliyati, infratuzilmani yaxshilash, yoshlar tarbiyasi, shuningdek, mahalladagi mavjud muammolar va ularni bartaraf etish choralari muhokama qilindi.

Deputatlar tomonidan bildirilgan taklif va murojaatlar yuzasidan tegishli tashkilotlar bilan hamkorlikda amaliy choralar ko‘rish yuzasidan vazifalar belgilab olindi.

✍️Oltinsoy tumani Kengash Kotibiyati Axborot xizmati