O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-sonli qarori mahalliy Kengash deputatlarining faoliyatini yangi bosqichga olib chiqmoqda. Ushbu hujjat deputatlarni xalq bilan yanada yaqinlashtirib, muammolarni joyida o‘rganib, amaliy yechimlar taklif etish imkonini bermoqda.

Toyloq tumani hokimi Behzod Raxmatullayev deputatlar tashabbusini qo‘llab-quvvatlab, ularni moliyalashtirish uchun 400 million so‘m mablag‘ ajratilishini ma’qulladi. Har bir tashabbus uchun 25 million so‘m yo‘naltiriladi.

Ajratilgan mablag‘lar mahallalarda elektr energiyasi ta’minotini yaxshilashga sarflanadi. Bu esa aholining turmush sharoitini yanada qulay qilishga xizmat qiladi.

 Bu tashabbus deputatlik faoliyatining samarali natijasi sifatida e’tirof etilmoqda.