Xalq deputatlari shahar kengashining deputati U.Abdunazarov va Din ishlari bo‘yicha shahar hokimligi bosh mutaxassisi B.Valiyev bilan hamkorlikda “Bekobod gaz” tarmog‘i xodimlari o‘rtasida “Jaholatga qarshi ma’rifat” mavzusida davra suhbatini
o‘tkazdilar. Uchrashuvda mamlakatimizda amalga oshirilayotgan keng qamrovli islohotlar va bunyodkorlik ishlari natijasida xalqimizning ongu tafakkuri, dunyoqarashi o‘zgarayotganligi, yurtimizda huquqiy davlat, fuqarolik jamiyatini barpo etishda olib borilayotgan muhim ishlarga qaramasdan, ijtimoiy, iqtisodiy va siyosiy sohalardagi yangilanishlar jarayonida ma’naviy-ma’rifiy islohotlarning samaradorligiga to‘siq bo‘layotgan bir qator muammolar to‘g‘risida ham to‘xtalib o‘tildi. Mavjud muammolarni hal etish ma’naviy-ma’rifiy ishlarning samarasi va ta’sirchanligini oshirish, mamlakat aholisi, avvalo, yoshlar qalbida amalga oshirilayotgan islohotlarga daxldorlik hissini kuchaytirish lozimligi ta’kidlandi. El-yurt taqdiriga loqaydlik, mahalliychilik, urug‘-aymoqchilik, korrupsiya, oilaviy qadriyatlarga bepisandlik va yoshlar tarbiyasiga mas’uliyatsizlik kabi illatlarga barham berish lozimligi aytib o‘tildi.