Xalq deputatlari Jalaquduq tuman Kengashi 5-Qo`shterak saylov okrugi deputati
O. Xolmurotova tomonidan o`z saylov okrugi hududidagi fuqorolar bilan tizimli ravishda uchrashuv va muloqotlar o`tkazib kelinmoqda. “Maqsadimiz – aholini ijtimoiy jihatdan qo`llab-quvvatlashdir” rukni ostida tashkil etilayotgan mazkur uchrashuvlar fuqarolarning muammo va takliflarini o`rganish, ularga yechim topishga qaratilgani bilan ahamiyatlidir. Muloqotlar davomida aholini qiynayotgan ijtimoiy masalalar, jumladan, bandlik, kam ta`minlangan oilalarni qo`llab-quvvatlash, sog`liqni saqlash, ta`lim hamda infratuzilma bilan bog`liq muammolar atroflicha muhokama qilinmoqda. Deputat tomonidan har bir murojaat diqqat bilan tinglanib, tegishli tashkilotlar bilan hamkorlikda hal etish choralari belgilanmoqda. Shuningdek, uchrashuvlarda davlat tomonidan aholi uchun yaratilayotgan imkoniyatlar, ijtimoiy dasturlar va imtiyozlar haqida ham tushuntirish ishlari olib borilmoqda. Bu esa fuqarolarning huquqiy ongini oshirish, ularning davlat va jamiyat hayotidagi faolligini kuchaytirishga xizmat qilmoqda. Bunday ochiq va samimiy muloqotlar aholi bilan deputat o`rtasidagi ishonchni mustahkamlab, joylarda mavjud muammolarni o`z vaqtida aniqlash va samarali hal etishga zamin
yaratmoqda. O.Xolmurotova kelgusida ham fuqarolar manfaatini himoya qilish,
ularning turmush farovonligini oshirish yo`lida izchil faoliyat olib borishini ta`kidladi.