📌 Oltinsoy tumani hokimi, Xalq deputatlari Oltinsoy tumani Kengashining 24-“Chinor” saylov okrugidan saylangan deputat Mavlyanov Otabek Rustamovichning saylov okrugi hududida kuz-qish mavsumiga tayyorgarlik holatini o‘rganish bo‘yicha deputatlik nazorati tadbiri o‘tkazildi.

🔍 O‘rganish davomida “Zardaqul” mahallasida joylashgan 54-sonli oilaviy poliklinikaning 2026–2027-yillar kuz-qish mavsumiga tayyorgarlik holati, xususan, binoning isitish tizimi, muhandislik-kommunikatsiya tarmoqlari hamda mavsumni betalafot o‘tkazish uchun ko‘rilayotgan choralar ko‘zdan kechirildi.

👥 Mazkur deputatlik nazorati tadbirida Xalq deputatlari Surxondaryo viloyati Kengashi deputati A.Oripov, Xalq deputatlari Oltinsoy tumani Kengashi raisi Turdiyev Akrom Abdimuratovich, Kengash kotibiyati mudiri M.Xujanov, tuman Kengashi deputati Yu.Hakimov hamda Kengash kotibiyati bosh mutaxassislari A.Esanov va I.Roziqovlar ishtirok etdilar.

📋 O‘rganish jarayonida aniqlangan kamchiliklarni bartaraf etish, poliklinikaning kuz-qish mavsumiga tayyorgarligini to‘liq ta’minlash hamda aholiga tibbiy xizmat ko‘rsatish jarayonining uzluksizligini ta’minlash yuzasidan mas’ullarga tegishli tavsiya va vazifalar belgilandi.

🤝 Kuz-qish mavsumiga puxta tayyorgarlik ko‘rish, ijtimoiy soha obyektlarining barqaror faoliyatini ta’minlash va aholi uchun munosib sharoit yaratish deputatlik nazoratining muhim yo‘nalishlaridan biridir.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz