#deputatlik_nazorati_Uchtepa #deputat_sorovi

🇺🇿 Xalq deputatlari Uchtepa tumani Kengashi "22-Vatan" okrugi deputati Revtov Oleg Viktorovich tomonidan Uchtepa tumani hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i Nurali Ismatovga navbatdagi deputatlik so'rovi chiqarildi.

📁 Vatan mahallasida navbatdagi o‘rganish ishlari tashkil etildib, o‘rganishda hududdagi mavjud muammolar, hududda amalga oshirilayotgan obodonlashtirish ishlarining holati hamda aholini qiynayotgan muammolar bilan tanishilganligi, hududni o‘rganish davomida hududda maishiy chiqindilar o‘z vaqtida olib chiqilmayotgani natijasida ayrim joylarda chiqindilar to‘planib qolganligi aniqlanganligi qayd etilgan.

🕯 Mazkur holat mahalla hududining umumiy obodonlashtirish va sanitariya holatiga salbiy ta’sir ko‘rsatayotgani, shuningdek, aholi hamda hududga tashrif buyuruvchilarning e’tirozlariga sabab bo‘layotgani ta’kidlangan.

⚠️ Yuqoridagilarni inobatga olib, ushbu deputatlik so'rovida quyidagi asosiy masalalar so'raldi:

✍️ Vatan mahalla aholisi uchun xizmat ko'rsatayotgan “Sentrion 24” hamda “Servis kommunal safiya” kommunal xizmat uy joy boshqarish servis kompaniyalari xodimlarining shtatlar jadvali (mutaxassisliklari bilan);

✍️ moddiy-texnik bazasining inventarizatsiyasi;

✍️ qaydlar daftaridagi aholi murojaatlarining tahliliy ma’lumotlari;

✍️ Vatan mahallasidagi ko‘p qavatli uylar uchun amalga oshirilgan ishlari (qurilish, ta’mirlash, obodonlashtirish) yuzasidan tegishli ma’lumotlar, smeta hujjatlari bilan birgalikda taqdim etish yuzasidan asoslantirilgan, asosli hamda tegishli hujjatlar bilan tasdiqlangan ma’lumotlar haqida belgilangan muddatda yozma ravishda asosli javob yuborish so'ralmoqda.

🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.