Xalq deputatlari Qo‘qon shahar Kengashi kotibiyati mudiri A.Nosirov hamda Xalq deputatlari Qo‘qon shahar Kengashi deputati F.Mamajonov tomonidan “Aziztepa” MFY, Aziz tepa ko‘chasi, 107-uyda yashovchi fuqaro I.Raximovning murojaati yuzasidan o‘rganish ishlari olib borildi.

Fuqaro I.Raximov tomonidan O‘zbekiston Respublikasi Oliy Majlisi Senatiga murojaati yuzasidan o‘rganish ishlari olib borildi..

O‘rganish davomida murojaat muallifining bugungi kundagi ijtimoiy holati bilan yaqindan tanishilib, murojaatda ko‘tarilgan masalalar mazmuni batafsil o‘rganildi.

Fuqaro I.Raximov murojaatida O‘zbekiston Respublikasi Oliy Majlisi Senati Raisi T.Narbayevaning qabulida bo‘lish istagini bildirgan. Unga Senat Raisining fuqarolarni qabul qilish tartibi, murojaatlarni ko‘rib chiqish mexanizmlari hamda O‘zbekiston Respublikasi Oliy Majlisi Senatining ish tartibi yuzasidan tegishli tushuntirishlar berildi.

Shuningdek, fuqaro o‘z murojaatida O‘zbekiston Respublikasi fuqarolarining Yevropa davlatlarida mehnat faoliyatini amalga oshirishi va ish bilan ta’minlanishi jarayonida ayrim qonunbuzilish holatlariga duch kelayotgani yuzasidan o‘z fikr va mulohazalarini bildirganini ma’lum qildi.

Mazkur masala yuzasidan fuqaro I.Raximovga murojaatida ko‘tarilgan masalalarni vakolat doirasida ko‘rib chiqish uchun O‘zbekiston Respublikasi Tashqi mehnat migratsiyasi bo‘yicha vakolatli tashkilotga murojaat qilish maqsadga muvofiqligi yuzasidan tegishli tushuntirish va tavsiyalar berildi.

O‘tkazilgan uchrashuv va o‘rganish ishlarida Xalq deputatlari Qo‘qon shahar Kengashi kotibiyati bosh mutaxassislari X.Abdullayev va A.Adxamovlar ham ishtirok etib, amaliy ko‘mak ko‘rsatdilar.

Xalq deputatlari Qo‘qon shahar Kengashi