Xalq deputatlari Chilonzor tumani Kengashi deputati Imamov Sanjarali Tolkinovich tomonidan Beshqo‘rg‘on mahallasida aholi bilan uchrashuv o‘tkazildi.

Uchrashuv davomida fuqarolarning murojaatlari, hududdagi mavjud muammolar hamda aholini qiynayotgan ijtimoiy va infratuzilmaga oid masalalar tinglandi. Deputat tomonidan saylovchilar bilan ochiq muloqot o‘rnatish, ularning taklif va mulohazalarini o‘rganish hamda muammolarni tegishli tashkilotlar bilan hamkorlikda hal etishga alohida e’tibor qaratildi.

Shuningdek, mahallani obodonlashtirish, hudud infratuzilmasini yaxshilash, aholi uchun qulay shart-sharoitlar yaratish va fuqarolar murojaatlarining ijrosini ta’minlash yuzasidan fikr almashildi.

Muloqot jarayonida aniqlangan muammolarni manzilli o‘rganish, mas’ul tashkilotlarga yo‘naltirish hamda ularning yechimi yuzasidan deputatlik nazoratini amalga oshirish bo‘yicha tegishli vazifalar belgilandi.

Aholi bilan muntazam muloqot qilish, fuqarolar manfaatlarini ifoda etish va muammolarga amaliy yechim topish — deputatlik faoliyatining ustuvor yo‘nalishlaridan biridir.