Xalq deputatlari Qo‘shko‘pir tuman Kengashi deputatining saylovchilar bilan uchrashuvi va ijtimoiy ko‘mak tadbirlari

Xalq deputatlari Qo‘shko‘pir tuman Kengashi deputati N.Ibrahimova hududdagi mavjud ijtimoiy muhitni o‘rganish, aholi muammolarini yaqindan tinglash maqsadida Dovud mahallasida bo‘ldi. O‘rganishlar davomida davlat tomonidan ijtimoiy ta’minotga olingan hamda ko‘makka muhtoj bo‘lgan Maftuna Xoliqovaning xonadonida bo‘lib o‘tdi.
Uchrashuv chog‘ida oilaning yashash sharoitlari ko‘zdan kechirilib, homiylik mablag‘lari va saxovatpesha tadbirkorlar ko‘magida xonadonga zamonaviy televizor sovg‘a qilindi. Bu esa oilaga qo‘shimcha qulaylik yaratish bilan birga, ijtimoiy e’tibor va g‘amxo‘rlikning amaldagi yorqin namunasiga aylandi.
Shuningdek, suhbat jarayonida oila a’zolarining bandligini ta’minlash va ularni daromad manbai bilan ta’minlash masalasiga alohida e’tibor qaratildi. Xususan, Maftuna Xoliqovaning tikuvchilik yo‘nalishiga bo‘lgan qiziqishi va intilishi inobatga olinib, uning qobiliyatini ro‘yobga chiqarish maqsadida tumanimizdagi tegishli kasb-hunarga o‘qitish markaziga yo‘naltirildi. Bu tashabbus fuqaroning kelgusida o‘z o‘rnini topishi, hunar egallashi hamda oilaviy farovonligini oshirishga xizmat qiladi.