Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat – tuman hokimi J.Axmedov tumanning “Uyenkulsay”, “Achchisoy”, “Baymurzayev” mahallalarida “Ijtimoiy himoya reyestri”ga kiritilgan oilalarning yashash sharoitlari va muammolarini “xonadonbay” o‘rgandi.

🔺Muloqotlar davomida mehnat qilish istagidagi fuqarolarni ish bilan ta’minlash, kasb-hunarga yo‘naltirish, o‘zini o‘zi band qilish imkoniyatlaridan foydalanish hamda oilalar daromadini oshirish masalalariga alohida e’tibor qaratildi. Fuqarolarning murojaat va takliflari tinglanib, mavjud imkoniyatlardan kelib chiqib, tegishli tavsiyalar berildi.

🔺Shuningdek, o‘rganish davomida mahallalarda amalga oshirilayotgan obodonlashtirish va infratuzilmani yaxshilash ishlari, shuningdek, ijtimoiy soha obyektlarida amalga oshirilgan, ayni paytda ta’mirlash ishlari olib borilayotgan obyektlarning holati bilan yaqindan tanishildi. Aniqlangan masalalarni hal etish yuzasidan mas’ullarga tegishli topshiriqlar berildi.