Qo‘shko‘pir tuman xalq kutubxonasi binosi majlislar zalida O’zLiDeP Qo‘shko‘pir tuman Kengashi tomonidan yoshlar bilan ochiq muloqot tashkil etildi. Tadbirda O’zLiDeP deputatlik guruhi rahbari Nazokat Boymurotova, tuman hokimligi vakillari hamda mutasaddi tashkilotlar ishtirok etdi.

Uchrashuvda yoshlarning ta’lim olishi, kasb-hunar egallashi, ilmli va tashabbuskor bo‘lishining ahamiyati muhokama qilindi. Deputatlar va mutaxassislar yoshlar uchun yaratilayotgan imkoniyatlar, ularning ijtimoiy faolligi hamda yetakchilik qobiliyatini shakllantirish borasida fikr almashdilar. 

Tadbir davomida yoshlarning jamiyat hayotida faolligini oshirish, ularning fikr va tashabbuslarini qo‘llab-quvvatlash bo‘yicha takliflar berildi.

Mazkur uchrashuv yoshlarning ijtimoiy-siyosiy jarayonlardagi ishtirokini kuchaytirish, ularni ilm va izlanishga undash hamda deputatlar bilan bevosita fikr almashish imkoniyatini kengaytirishga xizmat qildi.