O‘zbekiston Respublikasi Oliy Majlisi Senati Kengashi tomonidan qabul qilingan mahalliy Kengashlar faoliyatiga oid qarorlar ijrosini ta’minlash maqsadida xalq deputatlari Andijon viloyati Kengashi raisi U.Axunov joriy yilning 7-12 fevral kunlari xalq deputatlari Jalaquduq, Xo‘jaobod, Shahrixon va Baliqchi tumanlari Kengashlari deputatlari va kotibiyat xodimlari bilan uchrashuvlar o‘tkazdi. 

Ushbu uchrashuvlarda Jalaquduq, Xo‘jaobod, Buloqboshi, Shahrixon, Bo‘ston, Ulug‘nor, Baliqchi tumanlari mahalliy Kengash deputatlari va kotibiyat xodimlari ishtirok etdi. 

Uchrashuv davomida Oliy Majlisi Senati Kengashining KQ-6–V, KQ-19–V, KQ-51–V, KQ-52–V, KQ-53–V, KQ-54–V va KQ-55–V-sonli qarorlarining mazmun mohiyati, ushbu qaror mahalliy Kengashlarning norma ijodkorligi hamda nazorat-tahlil faoliyatini yanada takomillashtirish maqsadida qabul qilingani yuzasidan tushunchalar berib o‘tdi. 

Uchrashuv davomida deputatlar qiziqtirgan savoolarga javoblar berildi, bildirilgan takliflar esa o‘rganib chiqish uchun yozib olindi.