Xalq deputatlari Qo‘qon shahar Kengashi deputati M.Azimovga biriktirilgan Milliy metrologiya markazining Qo‘qon filialida Xalq deputatlari Qo‘qon shahar Kengashi kotibiyati mudiri A.Nosirov tomonidan o‘rganish ishlari olib borildi.

O‘rganish davomida tadbirkorlik subyektlariga yaratilgan sharoitlar, murojaatchilar uchun tashkil etilgan xizmat ko‘rsatish tizimi hamda mahsulotlarni sertifikatlashtirish jarayonlari tahlil qilindi.

Xususan, mahsulotlarni sertifikatlashtirishda ortiqcha ovoragarchiliklarning oldini olish, hujjatlarni qabul qilish va ko‘rib chiqish muddatlarini qisqartirish, xizmatlarni soddalashtirish hamda tadbirkorlar uchun qulay va shaffof tizim yaratish bo‘yicha amalga oshirilayotgan ishlar o‘rganildi.

Shuningdek, tadbirkorlarga ko‘rsatilayotgan maslahat xizmatlari, murojaatlarni elektron shaklda qabul qilish imkoniyatlari, sertifikatlashtirish jarayonlarining tezkorligi va sifati yuzasidan mas’ullar bilan fikr almashildi.

O‘rganish yakunida tadbirkorlik subyektlariga xizmat ko‘rsatish sifatini yanada oshirish, sertifikatlashtirish jarayonlarini soddalashtirish, byurokratik to‘siqlarni kamaytirish hamda tadbirkorlar uchun qulay ishbilarmonlik muhitini yaratish yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi