#doimiy_komissiya

Xalq deputatlari Uchtepa tumani Kengashining III chaqiriq o'ttiz birinchi sessiyasi kun tartibidagi masalalar doimiy komissiyada muhokama qilindi

🇺🇿 Xalq deputatlari Uchtepa tumani Kengashining Korrupsiyaga qarshi kurashish, davlat organlarida ochiqlikni taʼminlash, huquqiy va xavfsizlik masalalari boʻyicha doimiy komissiyasining navbatdagi yig'ilishi bo'lib o'tdi. Unda:

✍️ "O‘zbekiston Respublikasi Prezidentining Toshkent shahri Uchtepa tumanidagi Xalq qabulxonasining 2026 yil birinchi yarim yilligida tumandagi davlat organlari va tashkilotlari rahbarlari faoliyati hamda murojaatlar bilan ishlash holati yuzasidan axboroti to‘g‘risida" tuman Xalq qabulxonasi bosh mutaxassisi Muslimbek Isomiddinovning;

✍️ "Uchtepa tumani adliya bo‘limining 2026 yil birinchi yarim yillik faoliyati davomida davlat organlari va tashkilotlarining norma ijodkorligi hamda huquqni qo‘llash amaliyotining holati yuzasidan axboroti to‘g‘risida" tuman adliya bo'limi boshlig'i Shamsiddin Amonovlarning axborotlari eshitilib, muhokama qilindi hamda atroflicha ko‘rib chiqildi.

   💬 Doimiy komissiya raisi Abdurashid Abdushukurov hamda doimiy komissiya a’zolari — Galina Xamitova hamda Artur Xaydarovlaraxborotlarni tinglab, o‘z saylov okruglarida uchrayotgan muammolar va tumandagi boshqa dolzarb masalalar yuzasidan savollar bilan murojaat qildilar. Savol-javoblar jarayonida kelgusidagi ustuvor vazifalar yuzasidan taklif va tavsiyalar bildirildi.

💼 Mazkur doimiy komissiya yig'ilishida xalq deputatlari Uchtepa tumani Kengashi huzuridagi ekspert guruhi a’zolari, "Madad" NNT bosh mutaxassisi Sayfullo Mahmudov, tuman Kengashi kotibiyati mudiri A.Usmanov, kotibiyat bosh mutaxassislari U.Abilov va Z.Kuziyevalar ishtirok etdilar.

📝 Muhokamalar yakunida doimiy komissiya deputatlari tomonidan mazkur masalalarni sessiya kun tartibiga kiritish yuzasidan qarorlar qabul qilindi.

✅ Mazkur masalalar fuqarolarning murojaatlari bilan ishlash sifatini oshirish, ularning huquq va qonuniy manfaatlarini ishonchli himoya qilish, huquqiy xizmatlardan foydalanish imkoniyatlarini kengaytirish hamda qonunchilik hujjatlari ijrosini ta’minlashga qaratilgan tizimli ishlarni yanada takomillashtirishga xizmat qiladi.