Туман ҳокими, Халк депутатлари Янгиқўрғон туман Кенгаши депутати А.Нажмиддинов сайлов округидаги хонадонларда ободончилик ва томорқадан унумли фойдаланиш юзасидан амалга оширилган ишларни кўздан кечирди.

Хусусан, 72 ёшли Раяхон Расулованинг томорқасида жорий этилган тартиб ва озодалик кўзни қувонтиради. Пиёз, картошка, помидор, сабзи каби рўзғорбоп маҳсулотлар қаторида экилган голланд лолалари кўчатлари бир неча йилдан буён маҳалладошлар ҳамда қўшни қишлоқлар аҳолисига сотилиб, йилига 3-4 млн. сўм даромад бермоқда.

Шунингдек, А. Хамидов ҳамда К.Тўхтамуродов томорқалари ҳам барчанинг ҳавасини уйғотди.

Жумладан, К.Тўхтамуродов томорқасида картошка етиштириш яхши йўлга қўйилган бўлиб, ҳудудда мевали дарахтлар парваришланмоқда. Шу билан бирга, оғилхонада парваришланаётган қорамоллар хонадон эгаларининг меҳнатсеварлиги ва тадбиркорлигини яққол намоён этмоқда.