🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq, Kengashi deputati M.Ashurov va kotibiyat xodimi M.Tursunbayeva tomonlaridan tuman hokimi maslahatchisi X.Akmalov hamda viloyat Tashqi reklamalarni muvofiqlashtirish bo‘linmasi rahbari A.Abduvaliyev ishtirokida tumanning “Xo‘jakent” mahallasida tadbirkorlik subyektlari tomonidan O‘zbekiston Respublikasining “Reklama to‘g‘risida”gi Qonuni talablariga rioya etilish holatlari o‘rganildi.

🔷O‘rganish davomida tadbirkor subyektlari tomonidan o‘rnatilgan reklamalarning mazmuni, davlat tilida yoritilganligi, o‘rnatish qoidalariga rioya etilganligi va standart o‘lchamlari ko‘zdan kechirildi. 

🔷Aniqlangan kamchiliklarni bartaraf etish bo‘yicha reklama egalariga deputat tomonidan tegishli tavsiyalar berildi hamda mas’ullar tomonidan ogohlantirishlar taqdim etildi.