KENGASH QARORI IJROSI MUHOKAMA QILINDI 

🔹 Doimiy komissiya raisi O.Dadajonova tashabbusi bilan Farg‘ona tuman Kengashining
qarori ijrosi yuzasidan muhokama yig‘ilishi o‘tkazildi. Yig‘ilishda 2026 yil davomida
93,1 mln. dollar hajmida xorijiy investitsiyalar jalb qilish va 4 ta eksportbop
yuqori texnologiyali korxona tashkil etish vazifasi doirasida mas’ullarning hisobotlari
tinglandi. 

🔹 Tumanda yirik investitsiya loyihalari amalga oshirilmoqda: 100 mln dollarlik
"Farg‘ona Yevroosiyo xalqaro savdo markazi" va 142 mln dollarlik chiqindilarni
yoqish orqali elektr energiyasi ishlab chiqarish loyihasi. Bundan tashqari, meva-sabzavot,
quritilgan mevalarni eksport qilish, malina yetishtirish va gul plantatsiyasi kabi
bir qator eksportbop loyihalar ham faol davom etmoqda. 

🔹 Kotibiyat mudiri Sh.Rahimov 1-chorak yakunlari bo‘yicha ijobiy natijalarga
erishilganini qayd etib, loyihalarni o‘z vaqtida ishga tushirish va eksport hajmini
yanada oshirish zarurligini ta’kidladi.