Aholi salomatligi va tibbiy xizmat sifati e’tiborda

O‘zbekiston Respublikasining “Fuqarolar sog‘lig‘ini saqlash to‘g‘risida” gi Qonuni ijrosini ta’minlash, aholiga ko‘rsatilayotgan tibbiy xizmatlar sifatini o‘rganish maqsadida kotibiyat mudiri, XDP tuman Kengashi raisi Z.Norova hamda tuman Kengashi kotibiyat xodimlari 2-sonli oilaviy poliklinikada bo‘ldi.

O‘rganish davomida quyidagilarga alohida e’tibor qaratildi:

✅ Tibbiy xizmat sifati: Bemorlarga yaratilgan sharoitlar va tibbiy xodimlarning muomalasi;

✅ Dori-darmon ta’minoti: Fuqarolarga imtiyozli asosda beriladigan bepul dori vositalarining zaxirasi va ularning taqsimlanishi;

✅ Murojaatlar nazorati: Poliklinikaga kelayotgan fuqarolarning fikr va mulohazalari.

"Asosiy maqsadimiz — qonun ustuvorligini ta’minlash orqali har bir fuqaroning malakali tibbiy yordam olish huquqini amalda ko‘rish va mavjud muammolarni bartaraf etishdir,"

Kengash (https://t.me/kitob_tuman_Kengashi)

O‘rganish yakunida mas’ullarga xizmat ko‘rsatish samaradorligini yanada oshirish bo‘yicha tegishli tavsiyalar berildi.