Халқ депутатлари Янгиқўрғон туман Кенгаши депутати Садриддинов Маъруфжон Муҳаммаджонович томонидан ўз сайлов округи ҳудудида жойлашган умумтаълим мактаби фаолияти атрофлича ўрганилди.

Ўрганиш жараёнида мактабда ўқувчилар учун яратилган шарт-шароитлар, синфхоналарнинг жиҳозланиши, таълим сифати, педагог ходимлар салоҳияти ҳамда ўқув жараёнининг ташкил этилиши кўздан кечирилди. Шунингдек, мактабнинг моддий-техника базаси, спорт ва маънавий-маърифий ишлар ҳолати ҳам алоҳида эътиборга олинди.

Ташриф давомида ўқитувчилар ва масъуллар билан мулоқот ўтказилиб, таълим тизимидаги мавжуд муаммолар, уларни бартараф этиш йўллари юзасидан фикр алмашилди. Аниқланган камчиликлар бўйича тегишли таклиф ва тавсиялар берилди.

Мазкур ўрганишлар аҳолига сифатли таълим хизматларини кўрсатишни янада яхшилаш, ёш авлодни баркамол этиб тарбиялаш ҳамда таълим муассасалари фаолияти устидан депутатлик назоратини кучайтиришга хизмат қилади.